蘋果日報: 2012-08-22

仲有個零禮拜就開學，學生除咗關心國民教育推唔推，仲要諗定搵邊間補習社補習，現代教育 (1082) 最近喺地鐵大賣燈箱廣告，華華見到真係嚇親，全部 30 位教師，男嘅打煲呔，女嘅着晚裝、加對 6 吋高踭鞋、個別騷埋長腿，家陣去補習定去 ball 呢，還是去選美？

補習社近年興搵靚仔靚女教師，個個 chok 過林峯咁影宣傳照，用專業形象嚟吸引班後生仔，之但係，幾時升呢要用到 ball 場 look 嘅呢？班後生仔真係 like？華華十分費解！