新 Monday – 2010-09-17

碩士級補習天后索過靚模 女同狂迷︰搞到人咁掛住你!

開咗學一段時間喇!唔少中學生又開始搵補習班,揀番個天王天后,索下啲考試 tips,備戰 334 係時候!不過人靠衣裝,揀補習老師除咗講學識,靚仔靚女老師亦係重要因素!

最近網上就有網民熱推 1 位索過靚模嘅碩士級英文補習天后 Antonia Cheng,網友勁讚佢真人靚過上鏡,你以為佢男學生一定多籮籮!不過佢嘅粉絲竟然大部分係女同(女同學呀)居多,唔少女同喺佢 facebook 度留低愛的留言,Antonia 重話自己試過同女學生單獨約會添!究竟呢位新補習天后有幾受女同歡迎,立即起底!

女同學最冧

靚 Miss 如果只係睇相,真係誤以為 Antonia 係靚模新成員,有冇諗過持靚行劫學生啲補習費先?「我 18 歲兼職做補習老師,到 07 年加入現代教育先全職咋,要啲學生識我就冇可能唔宣傳,後生樣靚就成為我嘅賣點。我承認有啲學生係欣賞我嘅外表先報名,但我希望長遠唔係咁!實力始終係保證,低年級就話靠外表吸引啫,高年級就要講實戰!

聽講有唔少女學生好冧妳喎,怕唔怕招人話柄呀?「咪誤會啦!我當啲學生都係我好朋友嚟!佢哋對我好好,除咗幫我設計好多宣傳品,又會煲湯同整嘢俾我食,我忙到冇時間拍拖,所以得閒時都會同啲學生去食飯,不過單獨約會就只限女學生,男仔就要一大班先可以,為人師表,有好多嘢都要注意!」

教你向鬼仔 say no!

港男就飛得多,但鬼仔又有幾多港女飛過呢?Antonia 特登用英文教 90 後少女撇鬼仔,方法婉轉,夠曬實用。

YouTube 搜索:「現代教育 Antonia 」

Antonia Cheng’s Profile

學歷:中文大學翻譯系碩士、英語傳意榮譽學士

畢業任教:英文科

Open chat
1
歡迎來到全新Antoniacheng.com網站!
如果你有什麽問題可以直接在這裏問我啊!